16/11/17

SON MULLER

     A canción Son muller interpretada polo grupo Máis boas cás patacas resultou gañadora no  certame Quero cantar convocado pola Deputación da Coruña.

     Parabéns !





09/11/17

A NOSA CASTAÑEIRA-CALL

O prometido é débeda.

Xa temos aquí as nosas fotos como auténtic@s castañeir@s coa nosa

CASTAÑEIRA-CALL.



Que ben quedamos!! Agardamos que vos gusten!!

07/11/17

CASTAÑEIRA-CALL

Con motivo da celebración do Magosto, onte o alumnado de 5º de Primaria achegamos á biblioteca do cole a nosa aportación para a exposición de outono:

"A CASTAÑEIRA-CALL"


Está feita empregando materiais reciclados (anacos de teas, papeis, periódico...) e utilizamos como base unha caixa de cartón e un debuxo dunha castañeira que topamos en Internet.



Quedounos tan chula que, ao rematar a celebración do Magosto, non resistimos a tentación de retratarnos como auténtic@s castañeir@s.

Pronto veredes os resultados!!

E... QUE VIVA O MAGOSTO!!

05/11/17

CHARLA SOBRE SEGURIDADE NA REDE.

   O día 31 de Outubro, os/as alumnos/as de 5ºA, 5ºB e 6º recibimos unha charla que nos dou José Manuel Lustres, do cuartel de Vilagarcía, que leva 25 anos no corpo da Garda Civil.
   Explicounos que internet abre un mundo de posibilidades e díxonos que a wi-fi ou bluetooth era mellor apagala, porque se non, poden roubar os nosos datos; xa sabemos que internet é publico e entón todas as persoas poden ver o que ti compartes polas redes sociais (Instagram, Facebook, Twenty , Snapchat...).
   Contounos que unha amiga súa publicou moitas fotos de todo o que facía e que se ía de viaxe: cando marchaba e cando volvía. Cando chegou só tiña a lavadora e a cociña; o resto da casa estaba baleira. 
   Ensinounos uns vídeos para non fiarnos da xente en internet, porque nos poden timar. Tampouco é de fiar comprar por redes socias ou internet a menos que sexa conexión por cable.
   Falou tamén de: grooming que é acoso (con fin sexuais) dun maior a un menor , ciberbulling que é acoso escolar na rede: publicación de fotos, datos ,insultos sobre alguén. 
   Pareceunos unha charla moi interesante e ao mesmo tempo moi divertida.
          
                                                                       
                                                                                                                                                                   Reportaxe de:      Lucía Díaz e Sara Silvén

30/10/17

CHARLA SOBRE A VESPA VELUTINA

    O día 11 de Outubro, a segunda e terceira hora, viñeron ás clases de 5º e 6º de primaria José Sanmartín, o tenente-alcalde do Concello, e Manolo Outón, tesoreiro da Asociación Stop Velutina Umia (A.S.V.U.)
   Contáronnos que a Vespa Velutina mata ás outras abellas e é unha especie invasora; eles están quitando os niños de Barro.
   Manolo trouxo o seu traxe de apicultor e ensinounos a distinguir as velutinas das outras vespas, que teñen o abdome máis claro.
   Explicáronnos tamén en que época fan as vespas raíñas os niños primarios, como fan despois o niño grande e como os retiran das árbores.
   O día 18 viñeron Esteban Jamardo (presidente da Asociacion Stop Velutina Umia (A.S.V.U.) e José Sanmartín; ensináronos alguhnas trampas: 3 delas caseiras e 1 comprada. Así se fan:
   Paso 1: Con 2 botellas de 1l, collemos unha delas e cortámola por arriba.
  Paso 2: Collemos a parte de arriba da botella cortada e a metemos do revés dentro da parte de abaixo.
   Tamén fixemos outro tipo de trampa cunha botella de 5l.
   Antes de marchar déronnos unha ficha para cubrir a receita dunha poción máxica para botala na trampa e atrapar as vespas velutinas.
   Con elas fixeron un concurso e os gañadores e gañadoras levaron uns diplomas.
   O venres 27 de outubro, déronnos os diplomas polas pócimas ao mellor nome, á mellor elaboración e á mellor poción.

Candela Figueiro e Aarón Corredoira.















24/10/17

XUNTANZA DO CLUB DE LECTURA

      Lorena, Andrea, Bea, Adriana, Nerea, África e Yadire (alumnas de 5º curso) asistiron hoxe, Día da Biblioteca, á primeira xuntanza do Club de Lectura. Unha pantasma branca, de Fina Casalderrey, foi o libro que elixiron para principiar esta andaina que, esperamos, sexa moi pero que moi feliz.


     Máis información no blog da nosa Biblioteca:


   

22/09/17

HOXE É O EQUINOCIO DE OUTONO

Xa que nas aulas de 5º andamos a estudar o universo, deixámosvos unhas curiosidades sobre a data de hoxe.

O outono astronómico comezará no hemisferio norte hoxe venres 22 de setembro ás 22:02 h.
A partires de hoxe, os días serán maís curtos e as noites máis longas e a nova estación estenderase ao longo de 89 días e 20 horas, ata o 21 de decembro, data na que comezará o inverno.

Pero que é o equinocio?
É o momento do ano no que os raios do Sol son totalmente perpendiculares (90 grados) ao eixe de rotación do noso planeta. Neste día, a duración do día e da noite é exactamente igual. Por iso empregamos o termo latino equinoccio que significa noite igual.



Cando ocorre?
Este fenómeno ten lugar dúas veces ao ano: na primavera (entre o 19 e o 21 de marzo) e no outono (entre o 22 e o 23 de setembro).
No hemisferio sur sucede o cambio de estación contrario ao noso, é dicir, en marzo comeza o outono e en setembro a primavera.

Que poderemos ver no ceo?
Segundo o Observatorio Astronómico Nacional no ceo poderemos ver aos planetas Marte, Venus, Xúpiter e Saturno; observaremos chuvias de estrelas como as das dracónidas, as leónidas e as gemínidas; a Lúa chea aparecerá en tres ocasións (as noites do 5 de outubro, o 4 de novembro e o 3 de decembro) e non se prevé ningún eclipse.

BENVIDA A NOVA ESTACIÓN E AS SÚAS CORES!!


18/09/17

CONCERTO INAUGURAL

   O pasado 14 de setembro, todo o colexio, de infantil a 6º de primaria, fomos á nave de música porque un mestre da Escola de Música de Barro, Manuel Fariña, deunos unha pequena charla sobre os instrumentos.

   O primeiro instrumento que nos ensinou Manuel foi o bombo, logo o tambor, despois os pratos e a tuba, que son de percusión; por último mostrounos un corno que soaba moi ben. Como todos os músicos que pertencían á banda tiñan eses mesmos instrumentos, escoitamos unha peza de música de cada un deles.
   Ao final de todo, a banda de música, deleitounos cunha peza moi fermosa. Como nos gustou moito, pedimos outra e tocáronnos "Despacito" cos instrumentos. Pasámolo moi ben!



                             SARA CASALDERREY MAGDALENA e BREIXO DOMÍNGUEZ AMEAL.


28/07/17

GRADUACIÓN 2017

     Escolma fotográfica do acto de Graduación e entrega de orlas ao alumnado de 6º curso de Educación Primaria, amenizado pola Banda da Escola de Música de Barro, dirixida por Alberto Busto.

Parabéns !

Boa andaina no IES !



12/07/17

ENTREGA DO IX PREMIO MIMI A MIGALLAS

     María Campos e Carlos Yuste, de MIGALLAS teatro, recibiron con moitísima ilusión o IX Premio MIMI nun acto protagonizado a mar de ben polo alumnado de 5º curso de Primaria, onde non faltaron risos, bailes nin, por suposto, cancións.


Un día inesquecíbel !

       Se premedes no enlace seguinte, atoparedes no blog da nosa Biblioteca un vídeo chulísimo do evento:



VISITAS